سلہٹ ٹیسٹ :پاکستان پہلی اننگز میں 232پر آئوٹ ،بنگلہ دیش کو 46رنز کی برتری

سلہٹ ( پاک ترک نیوز) دوسرے ٹیسٹ میچ میں پاکستان ٹیم پہلی اننگز میں 278رنز کے جواب میں 232رنز بنا کر پویلین لوٹ گئی ۔ بنگلہ دیش کو 46رنز کی برتری حاصل ہو گئی ۔
تفصیلات کے مطابق بنگلہ دیش کے شہر سلہٹ میں جاری دوسرے اور آخری ٹیسٹ میچ میں پاکستانی ٹیم 232رنز بنا کر پویلین لوٹ گئی ۔
پاکستان کی جانب سے بابراعظم نے 68،ساجد خان نے 32جبکہ شان مسعود اور سلمان آغا نے 21،21رنز سکور کئے ۔
بنگلہ دیش کی جانب سے تیج الاسلام اور ناہید رانا نے تین تین کھلاڑیوں کو آئوٹ کیا ۔
اس سے قبل بنگلہ دیش نے پہلی اننگز میں 278رنز بنائے تھے ۔
واضح رہے کہ دو میچوں پر مشتمل سیریز میں بنگال ٹائیگرز کو ایک صفر کی ناقابل شکست برتری حاصل ہے اور شاہین پہلی بار بنگلہ دیش کی سرزمین پر ٹیسٹ میچ ہارے ہیں ۔