تیسرے اور فائنل ون ڈے میں پاکستان ٹیم کی فتح ،آسٹریلیا 4وکٹوں سے ہار گیا

لاہور( پاک ترک نیوز) پاکستان نے تیسرے اور فیصلہ کن ون ڈے میچ میں آسٹریلیا کو چار وکٹوں سے شکست دے دی ،سیریز دو ایک سے شاہینوں کے نام ہو گئی ، پاکستان نے 158رنز کا ہدف چالیسویں اوور میں چھ وکٹوں کے نقصان پر پورا کر لیا ۔
پاکستانی بولرز نے آسٹریلین بلے بازوں کو قابو کرتے ہوئے مہمان ٹیم کی بیٹنگ لائن 157 رنز پر سمیٹ دی۔ آسٹریلیا کی جانب سے کپتان جوش انگلس نے سب سے زیادہ 65 رنز بنائے۔ دیگر کھلاڑیوں میں مارنس لبوشین، ایلکس کیری نے 19، 19 اور ایڈم زیمپا نے 10 رنز بنائے۔ ان کے علاوہ کوئی کھلاڑی دہرے ہندسے میں بھی داخل نہ ہوسکا۔ پاکستان کی جانب سے شاہین آفریدی نے 3، شاداب خان اور ابرار احمد نے دو، دو جبکہ حارث رؤف نے ایک وکٹ لی۔
ہدف کے تعاقب میں پاکستانی اوپنر صاحبزادہ فرحان 6 رنز پر پولین لوٹ گئے، تاہم معاذ صداقت نے برق رفتار 27 رنز بنا کر ٹیم کے لیے آغاز کو قابلِ ذکر بنادیا۔
مشکل وکٹ پر پاکستانی بیٹرز کےلیے بیٹنگ کرنا دشوار ہوگیا، 41 رنز پر دونوں اوپنرز کے آؤٹ ہونے کے بعد نوجوان غازی غوری 8 رنز بنا کر 60 پر آؤٹ ہوگئے۔
چوتھی وکٹ پر سلمان علی آغا اور بابر اعظم نے 33 رنز جوڑے، تاہم 93 رنز پر سلمان کے آؤٹ ہونے کے بعد پاکستانی بیٹرز پر دباؤ نظر آنے لگا۔
پانچویں وکٹ پر بابر اعظم نے عرفات منہاس کے ساتھ 19 رنز کی شراکت بنائی، لیکن 112 کے مجموعے پر وہ بھی 85 گیندوں پر 40 رنز کی اننگز کھیل کر میتھیو کونہمین کی زبردست گیند پر بولڈ ہوگئے جبکہ اسی مجموعے پر عرفات منہاس بھی پویلین لوٹ گئے۔
تاہم شاداب خان اور عبدالصمد نے ساتویں وکٹ پر ناقابلِ شکست 49 رنز کی پارٹنرشپ بنا کر ٹیم کو فتح سے ہمکنار کروادیا۔ شاداب 29 اور عبدالصمد 18 رنز کے ساتھ ناقابلِ شکست رہے۔