پاک آسٹریلیا میچ بارش سے متاثر ہونے کا امکان

لاہور ( پاک ترک نیوز) پاکستان اور آسٹریلیا کے درمیان آخری ون ڈے بارش سے متاثر ہونے کا امکان ہے ۔
تفصیلات کے مطابق پاکستان اور آسٹریلیا کی ٹیمیں سیریز اپنے نام کرنے کیلئے آج آخری ون ڈے میں مد مقابل آئیں گی ۔تاہم بارش سے میچ کے متاثرہونے کا امکان ہے ۔
پنجاب کے صوبائی دارالحکومت لاہور میں تیز آندھی کے ساتھ بارش کا بھی امکان ہے جس سے میچ متاثر ہونے کا خدشہ ہے ۔
واضح رہے کہ شاہین اورکینگروز تین میچوں کی سیریز کے آخری ایک روزہ میچ میں آج لاہور کے قذافی سٹیڈیم میں ٹکرائیں گی ۔میچ جیتنے والی ٹیم سیریز بھی اپنے نام کرلے گی ۔
اس سے قبل سیریز ایک ایک سے برابر ہے ۔ پاکستان نے راولپنڈی میں کھیلے گئے پہلے میچ میں جیت اپنے نام کی تھی جبکہ آسٹریلیا نے لاہور کے قذافی سٹیڈیم میں دوسرے ایک روزہ میچ میں کامیابی سمیٹی تھی۔