سلہٹ ٹیسٹ :پاکستان کی دوسری اننگز میں 2وکٹوں پر 101رنز

سلہٹ (پاک ترک نیوز) پاکستان اور بنگلہ دیش کے درمیان جاری دو میچوں کی سیریز کی دوسری اننگز میں پاکستان نے 2وکٹوں کے نقصان پر 101رنز بنا لئے ہیں۔
تفصیلات کے مطابق سلہٹ میں کھیلے جا رہے دوسرے ٹیسٹ میچ میں پاکستان بنگلہ دیش کے 437رنز کے ہدف کے تعاقب میں 101رنز سکور کئے ہیں اور اس کے دو کھلاڑی پویلین لوٹ چکے ہیں ۔
شان مسعود 41جبکہ بابراعظم 24رنز بنا کر کریز پر موجود ہیں ۔عبداللہ فضل 6جبکہ اذان اویس 21رنز بنا کر آئوٹ ہوئے ہیں۔ پاکستان کو میچ میں فتح کیلئے مزید 336رنز درکار ہیں اور اس کی 8وکٹیں باقی ہیں۔
اس سےقبل بنگلہ دیش نے پہلی اننگز میں 278رنز سکور کئے تھے جبکہ پاکستان نے جواب میں 232رنز بنائے تھے ۔ بنگلہ دیش نے دوسری اننگز میں 390رنز بنائے تھے اور پاکستان کو جیت کیلئے 437رنز کا ہدف دیا تھا۔
واضح رہے کہ بنگلہ دیش نے پہلے ٹیسٹ میچ میں پاکستان کو شکست دی تھی یہ شاہینوں کو بنگال ٹائیگرز کی سرزمین پر پہلی ٹیسٹ شکست تھی ۔