ڈھاکہ ٹیسٹ ،بارش کے باعث میچ روک دیا گیا

ڈھاکہ ( پاک ترک نیوز) پاکستان اور بنگلہ دیش کے درمیان دو میچوں پر مشتمل سیریز کا پہلا ٹیسٹ میچ بارش کے باعث روک دیا گیا ۔
تفصیلات کے مطابق دو میچز پر مشتمل سیریز کا پہلا ٹیسٹ میچ میر پور میں جاری ہے جہاں بارش کے باعث کھیل روک دیا گیا ہے۔
پاکستان نے بنگلہ دیش کے 413رنز کے جواب میں پہلی اننگز میں 6وکٹوں کے نقصان پر 349رنز بنا لئے ہیں ۔پاکستان کو بنگال ٹائیگرز کا پہلی اننگز کا خسارہ پورا کرنے کیلئے مزید 64رنز درکار ہیں جبکہ اس کی 4وکٹیں باقی ہیں۔
پاکستان کی جانب سے اذان اویس ڈیبیو پر سنچری سکور کی ہے ۔ وہ ڈیبیو پر ٹیسٹ میں سنچری کرنے والے پاکستان کے 14ویں کھلاڑی ہیں اور تیسرے بلے باز ہیں جنہوں نے ملک سے باہر ڈیبیو میچ میں سنچری سکور کی ہے ۔
عبداللہ فضل نے بھی اپنے ڈیبیو میچ میں 60رنز کی دلکش اننگز کھیلی ہے ۔ محمد رضوان 59رنز بنا سکے ۔
اس سے قبل بنگلہ دیش نے پہلی اننگز میں 413رنز سکور کئے تھے ۔