پنجاب میں توانائی بحران پر قابو پانے کیلئے سکول میں چھٹیوں سمیت متعدد تجاویز پر غور

لاہور(پاک ترک نیوز ) توانائی بحران پر پنجاب حکومت کے بڑے فیصلوں کی تیاری، محکمہ توانائی کی نئی سفارشات ارسال، ذرائع کے مطابق صوبے میں وفاق کی طرز پر فیول راشننگ متعارف کرانے کی تجویز تیار کر لی گئی۔
تعلیمی اداروں میں 15 اپریل تک چھٹیوں اور ہائبرڈ سسٹم پر غور کی سفارش کی گئی ہے۔
پیٹرول اور ڈیزل کی منصفانہ تقسیم کیلئے کوپن یا ڈیجیٹل سسٹم متعارف کرانے کی تجویزہے۔مخصوص دنوں میں محدود گاڑیوں کو ایندھن فراہمی کی تجویز زیر غورہے۔
نجی اداروں کیلئے ورک فرام ہوم پر سخت ہدایات دینے کی سفارش کی گئی۔غیر ضروری تقریبات پر مکمل پابندی لگانے کی تجویز دی گئی ہے۔میٹرو اور بس سروس میں اضافہ کرنے کی سفارش کی گئی ہے۔
ایل ای ڈی بل بورڈز اور آرائشی لائٹس بند کرنے کی تجویزہے۔رات 10 بجے کے بعد اسٹریٹ لائٹس متبادل موڈ پر چلانے کی سفارشکی گئی ہے مارکیٹ اوقات کار مزید محدود کرنے کی تجویز بھی شامل ہے۔