اسرائیل اور لبنان کے مذاکرات کل دوبارہ شروع ہونگے ،ٹرمپ

واشنگٹن ( پاک ترک نیوز) امریکی صدر ڈونلڈ ٹرمپ کا کہنا ہے اسرائیل اور لبنان کے براہ راست مذاکرات کل دوبارہ شروع ہونگے۔
سوشل میڈیا پر پیغام میں لکھا یہ تین دہائیوں سے زائد عرصے بعد ایک اہم پیش رفت ہے ،دونوں مالک کے درمیان آخری بار انیس سو اکانوے سے انیس سو ترانوے کے درمیان مذاکرات ہوئے تھے۔
ادھر لبنان کے اسرائیل پر حملے جاری ہیں ، ہسپتال کے قریب بمباری سےچار طبی ورکرز شہید ہو گئے، لبنان نے 8 اپریل کو کیے گئے شدید حملوں کے خلاف اقوام متحدہ میں باضابطہ شکایت درج کرا دی ہے۔
لبنانی وزارت خارجہ کے مطابق اسرائیلی حملے بین الاقوامی قانون کے اصولوں کی سنگین خلاف ورزی ہیں، 8اپریل کو اسرائیلی حملوں میں شہید ہونے والوں کی تعداد 357 تک پہنچ گئی۔ جن میں 71 خواتین اور 30 بچے شامل ہیں۔اقوام متحدہ کے خصوصی نمائندے کا کہنا ہے اسرائیل جنوبی لبنان میں گھروں کی منظم تباہی کا ارتکاب کر رہا ہے۔