علامہ اقبال مسلمانوں کے محسن ،عظیم فکری رہنما تھے ،وزیراعظم

اسلام آباد ( پاک ترک نیوز) وزیراعظم شہبازشریف کا علامہ اقبال کو خراج عقیدت ،،کہا علامہ اقبال مسلمانان برصغیر کے محسن اورعظیم فکری رہنما تھے۔ علامہ اقبال نے خودی، عمل، ایمان اور فکری آزادی کا پیغام دیا۔
وزیراعظم شہباز شریف کا کہنا تھا کہ آج کے قومی اور عالمی حالات میں علامہ اقبال کا پیغام ہمارے لیے غیر معمولی اہمیت رکھتا ہے۔ علامہ اقبال کے نظریات کی روشنی میں پر امن، اتحاد، علم، کردار اور انصاف کی مضبوط بنیادوں پر قائم پاکستان ہی ہمارا مستقبل ہے،حکومت پاکستان دہشت گردی، انتہاپسندی اور فرقہ واریت کے مکمل خاتمے، اور ایک معتدل اور ہم آہنگ معاشرے کے قیام کے لیے پرعزم ہے۔علامہ اقبال کا نوجوان نسل کی تربیت پر خصوصی توجہ تھی۔یوم اقبال کے موقع پر آئیے یہ عہد کریں کہ اقبال کے افکار کو اپنی قومی پالیسی، تعلیمی ترجیحات اور اجتماعی طرز فکر کا حصہ بنائیں گے