کراکس : (پاک ترک نیوز)غیر ملکی میڈیا کے مطابق رات تقریباً 2:00 بجے امریکہ اپنے جنگی ہیلی کاپٹروں کے ساتھ وینزویلا کے دارالحکومت کراکس میں داخل ہوا۔
کم ارتفاع پر پرواز کرتے ہوئے امریکی ہیلی کاپٹروں نے سات مختلف مقامات پر حملے کیے۔ رات کے وقت یہ خبر سامنے آئی کہ امریکہ نے وینزویلا کے صدر نکولس مادورو اور ان کی اہلیہ کو اغوا کر لیا ہے اور پھر انہیں وینزویلا سے باہر لے جایا گیا۔
امریکہ کئی ماہ سے کیریبین سی میں اپنی فوجی طاقت بڑھا رہا تھا اور مادورو حکومت پر منشیات کی اسمگلنگ اور دیگر الزامات لگا کر کارروائی کرنے کی کوشش کر رہا تھا۔
امریکہ کے عراق پر حملے یاد ہوں گے؟ جب امریکہ نے بڑے پیمانے پر فوجی کارروائی کر کے صدام حسین کو گرفتار کیا تھا۔
اس وقت پورے وینزویلا میں ہنگامی حالت نافذ کر دی گئی ہے اور فوج ہائی الرٹ پر ہے۔ حیران کن بات یہ ہے کہ یہ اقدام ایسے ملک کے خلاف اٹھایا گیا ہے جو پہلے ہی ہائی الرٹ پر تھا، کیونکہ وینزویلا کو خدشہ تھا کہ امریکہ کسی بھی وقت حملہ کر سکتا ہے۔ پھر بھی، امریکہ مادورو کو آسانی سے اٹھا کر وینزویلا سے باہر لے گیا۔
لیکن ایک بات طے ہے کہ وینزویلا کے پاس دنیا کے سب سے بڑے تیل کے ذخائر موجود ہیں، اور مادورو کے ہوتے ہوئے یہ تیل امریکہ کے ہاتھ نہیں لگ سکتا تھا۔سب سے دلچسپ سوال یہ ہے کہ مادورو کے ساتھ اب کیا ہونے والا ہے، کیونکہ وہ اس وقت امریکی خصوصی افواج کے قبضے میں ہیں۔
