وزیراعظم شہباز شریف سے ترک صدر اردوان سمیت متعدد عالمی رہنمائوں کی ملاقات

اشک آباد ( پاک ترک نیوز) وزیرِ اعظم شہباز شریف نے ترکمانستان کے شہر اشک آباد میں ترک صدر رجب طیب اردوان سمیت متعدد عالمی رہنماؤں سے غیر رسمی ملاقات کی۔
وزیرِ اعظم نے ترکیہ کے صدر رجب طیب اردوان، روسی صدر ولادی میر پوٹن ، تاجکستان کے صدر امام علی رحمن اور کرغزستان کے صدر سے صدر سادر جپاروف سے ملاقاتیں کیں۔
ملاقاتوں کےدوران خطے کی صورتحال اور باہمی دلچسپی کے امور پر تبادلہ خیال کیا گیا ،عالمی امن فورم کے موقع پر وزیراعظم عالمی رہنماؤں کی توجہ کا مرکز بنے رہے۔
صدر اردوان سے ملاقات کےدوران پاک ترکیہ برادرانہ تعلقات کی اہمیت کا اعادہ کیا گیا، وزیراعظم نے باہمی دلچسپی کے شعبوں میں تعاون کو مزید مستحکم کرنے کے عزم کا اظہار اور توانائی، پیٹرولیم اور معدنیات میں ترکیہ کی دلچسپی اور سرمایہ کاری کا خیر مقدم کیا۔