علی ترین نے پی ایس ایل کی ٹیم ملتان سلطانز کی اونرشپ سے دستبرداری کا اعلان کردیا

ملتان ( پاک ترک نیوز) پاکستان سپرلیگ کی فرنچائز ملتان سلطانز کے مالک علی ترین نے اپنی ملکیت میں موجود ٹیم کی اونرشپ سے دستبرداری کا اعلان کردیا۔
ملتان سلطانز کے مالک علی ترین نے پی ایس ایل کی ٹیم ملتان سلطانز کی اونرشپ سے دستبرداری کا اعلان کیا ہے، اپنی ٹوئٹ میں علی ترین نے کہا کہ اصولوں سے سمجھوتہ کرنے کی نوبت آجائے تو میرا انتخاب الوداع ہے۔
علی ترین نے اپنی ٹوئٹ میں مزید لکھا کہ صاف گو انسان ہوں مجھے ہلکا نہ لیا جائے، میں سمجھوتے نہیں کرتا۔
انہوں نے کہا کہ جھکنے کے بجائے میں ملتان سلطانز کی ٹیم چھوڑنے کو ترجیح دیتا ہوں، جنوبی پنجاب کی نمائندگی وہ چیز ہے جس پر میرے مرحوم چچا عالمگیر ترین فخر کرتے تھے۔
علی ترین کا اپنی ٹوئٹ میں مزید کہنا تھا کہ ملتان سلطانز کی ٹیم اونر سے زیادہ شائقین اور جنوبی پنجاب کی ہے۔