لاہور( پاک ترک نیوز) پاکستان سپر لیگ کے بارہویں ایڈیشن کی تیاریوں میں اہم پیش رفت، پی ایس ایل انتظامیہ، فرنچائزز اور دیگر متعلقہ فریقوں کا اجلاس کل ورچوئل ہوگا۔ اجلاس میں کھلاڑیوں کی ری ٹینشن، براہ راست کھلاڑیوں کی شمولیت، شیڈول اور نیلامی کی تاریخوں سمیت اہم امور پر غور کیا جائے گا۔
ذرائع کے مطابق پی ایس ایل انتظامیہ نے اگلے ایڈیشن کے حوالے سے اہم تاریخوں اور آخری مراحل کی تیاری مکمل کرلی ہے، تاہم حتمی فیصلے دیگر متعلقہ فریقوں سے مشاورت اور اتفاق رائے کے بعد کیے جائیں گے۔ذرائع کا کہنا ہے کہ پی ایس ایل 12 کا شیڈول جنوبی ایشیائی کھیلوں کو مدنظر رکھتے ہوئے ترتیب دیا جائے گا۔ جنوبی ایشیائی کھیل 3 سے 11 اپریل تک اسلام آباد اور لاہور میں منعقد ہوں گے، اس دوران پی ایس ایل کے میچز دیگر میدانوں میں کرانے کی تجویز بھی زیر غور ہے۔اجلاس میں کھلاڑیوں کی ری ٹینشن، براہ راست کھلاڑیوں کی شمولیت، نیلامی کی تاریخوں اور میچوں کے میدانوں کے حوالے سے بھی مشاورت کی جائے گی۔
یہ بھی پڑھیں: فیصل آباد ،فلور ملز کا غیرمعینہ مدت تک ہڑتال کا اعلان
پاکستان سپر لیگ کا بارہواں ایڈیشن 18 مارچ سے 2 مئی تک منعقد ہونا طے ہے۔ اجلاس میں ہونے والی مشاورت آئندہ ایڈیشن کے حتمی شیڈول اور تیاریوں کے لیے اہم ہوگی۔
