از: سہیل شہریار
دنیا کے کسی بھی ملک نے افغانستان میں طالبان کی عبوری حکومت کو تسلیم نہیں کیا۔البتہ 2021میں انکے اقتدار میں آنے کے بعد صرف نصف درجن ملکوں روس، پاکستان ، چین، ایران ترکیہ اور متحدہ عرب امارات نے افغانستان سے عمومی سفارتی تعلقات استوار کر رکھے ہیں۔
اقوام متحدہ کے اعدادوشمار بتاتے ہیں کہ افغانستان دنیا کے غریب ترین ملکوں میں شامل ہے جس کی 76فیصد سے زیادہ آبادی ہر قسم کی بنیادی سہولتوں سے محروم ہے۔ اور 1996 سے2001تک اپنے پہلے پانچ سالہ دور اقتدار کے متضاد موجودہ طالبان قیادت ملکی ترقی و استحکام اور عوام کی خوشحالی کے لئےکوئی بھی قابل قدر اقدام نہیں اٹھا سکی ۔البتہ چار دہائیوں تک پاکستان میں پرورش پانے والوں نے تمام تر احسانات کا حساب برابر کرتے ہوئے پاکستان کے دشمنوں کی سرپرستی میںپاکستان میں دہشتگردی کرنے والےخوارج و فتنہ بازوںکو گلے لگائے رکھنے کی ٹھان لی ہے۔حتیٰ کہ پاکستان کے ساتھ سرحدی جھڑپوں کے بعد اپنے مربی قظر اور ترکیہ کی ثالثی کو بھی کسی کھاتے میں نہ لاتے ہوئے تعلقات کو معمول پر لانے کی تمام کوششوں کوپس پشت ڈال دیا ہے۔
نتیجتاً11 اکتوبرسے پاک۔ افغان سرحد کی بندش سے اب تک افغانستان کو بڑے پیمانے پر معاشی نقصان ہو چکا ہے۔افغانستان سے سبزیوں اور فروٹ کی واحد برآمدی منڈی ہمیشہ سے پاکستان ہی رہا ہے۔ مگر اس بار سرحد کی بندش کی وجہ سے انکا مال سرحد پر کھڑے ٹرکوں میں ہی خراب ہو گیا ۔جبکہ اپنے پیش رو حکمرانوں کی طرح ہندو کی محبت میں گرفتار نام نہاد طالبان اپنے برآمد کنندگان کو نئی منڈیاں تلاش کرنے کے مشورے دے رہے ہیں۔ سرحد بند ہونے سے افغانستان کو سخت ترین معاشی نتائج کا سامنا ہے۔جس کے نتیجے میں اب تک 20کروڑ امریکی ڈالر سے زیادہ کا نقصان ہو چکا ہے۔ صرف ایک ماہ میں صرف طورخم سے ساڑھے چار کروڑ امریکی ڈالر کا نقصان ہوا۔ جبکہ 5,000 سے زیادہ ٹرک سرحدی مقامات پر پھنسے ہوئے ہیں۔اور پاکستانی منڈیوں میں داخلے کے منتظر تھے۔اس بحران سے یہ بات کھل کر سامنے آ چکی ہے کہ افغانستان کی80 فیصد سے زیادہ تجارت کا انحصار پاکستانی بندرگاہوں اور سڑکوں کے نیٹ ورک پر ہے۔ افغانستان میں خوراک کے بنیادی اجزا جیسے گندم کا آٹا، گھی اور چچینی وغیرہ کی اکثریت اور50فیصدسے زیادہ ادویات بھی پاکستان کے راستے منتقل ہوتی ہیں۔
پاکستان کی جانب سے افغان ٹرانزٹ ٹریڈ کو صرف انتہائی ضروری اشیاتک محدود کرنے اور سرحد کی بندش اور کڑی نگرانی کے نتیجے میں ٹرانزٹ ٹریڈ کے سامان تعیش ، اسلحہ اور منشیات کی اسمگلنگ میں نمایاں کمی آئی ہے۔ جس سے افغانستان کی معیشت کو شدید دھچکہ لگا ہے۔ سرحد کی بندش کا افغانستان کے اندر اثر سماجی طور پر بھی تباہ کن رہا ہے۔ سمگلنگ روکے جانے کے بعد ہر طرح کی غیر قانونی تجارت سے وابستہ دو سے تین لاکھ افراداپنے آمدن کے ذرائع کھو چکے ہیں۔
پاکستانی حکام کا کہنا ہے کہ سرحد کی بندش اور نگرانی کے ذریعے اسمگلنگ کے نیٹ ورکس کو توڑنے سے نہ صرف طویل مدت سے جاری غیر قانونی اسلحے اور منشیات کی آمدن بند ہو جائے گی ۔بلکہ اس سےخوارج اور فتنوں کی مالی معاونت پر بھی روک لگ جائے گی۔حکام کے مطابق افغانستان سے پاکستان کو اسمگلنگ اور ٹرانزٹ ٹریڈ کے سامان کی پاکستان واپسی سے قومی خزانے کو سالانہپانچکھرب روپےسے زیادہ کا نقصان اٹھانا پڑ رہا تھا ۔ چنانچہسرحد کی بندش کا یہ اقدام سیاسی تناؤ کا ردعمل نہیں ہے بلکہ منشیات کی اسمگلنگ، غیر قانونی ہتھیاروں کی نقل و حرکت اور عسکریت پسندوں کی دراندازی سے منسلک ایک غیر قانونی تجارتی راہداری کو ختم کرنے کے لیے ایک طویل المدتی حکمت عملی کا حصہ ہے۔
پالیسی سازوں کا خیال ہے کہ افغانستان کے ساتھ سرحد کے بہتر انتظام سے پاکستان اگلےپانچ سالوں میں طویل مدتی فوائد دیکھنا شروع کر دے گا۔ جس میں بہتر سرحدی سیکورٹی، اقتصادی رساو میں کمی، اور سرحد پار تجارتی ماحول کو مزید منظم کرنا شامل ہے۔اس امر کی نشاندہی بھی کی گئی ہے کہ افغانستان کو بالآ خر اپنی برآمدات و درآمدات کے لئے پاکستان کے ہی پاس آنا پڑے گا کیونکہ کراچی کی بجائے ایران اور وسط ایشیائی ملکوں کے روٹ استعمال کرنے سے جہاں سامان کی ترسیل کا وقت تین گنا تک بڑھ گیا ہے وہیں لاگت بھی دوگنا سے زیادہ ہو گئی ہے۔
مگر اس سب کے باوجود تجزیہ کاروں کی رائے میںہندو کی گود میں جا بیٹھنے والے ناخلف افغان طالبان سے فوری طورپر کسی قومی وملی سوچ کے حامل فیصلے کی توقع نہیں کی جا سکتی۔
