تہران (پاک ترک نیوز )ایران کے صدر مسعود پزشکیان نے کہا ہے کہ ایران امریکا کے ساتھ تنازع عزت اور احترام کے ساتھ مذاکرات کے ذریعے حل کرنے کے لیے تیار ہے۔
برطانوی نشریاتی ادارے کے مطابق ایرانی صدر مسعود پزشکیان کا کہنا تھا کہ بات چیت اور باہمی احترام کے ذریعے معاملات ختم کیے جاسکتے ہیں۔
ایرانی صدر نے کہا کہ ایران مذاکرات پر یقین رکھتا ہے، اگر بات چیت کے ذریعے اپنے حقوق حاصل کیے جاسکتے ہیں تو ملک کو جنگ میں جھونکنے کی ضرورت نہیں۔
تاہم مسعود پزشکیان نے واضح کیا کہ ایران طاقت کے استعمال، دباؤ یا دھونس کے آگے ہتھیار نہیں ڈالے گا۔
