اسلام آباد ( پاک ترک نیوز) امریکی صدر ڈونلڈ ٹرمپ کو ایران کے خلاف ممکنہ نئی فوجی کارروائیوں کے مختلف آپشنز پر بریفنگ دی گئی ہے۔ امریکی سینٹرل کمانڈ کے سربراہ ایڈمرل بریڈ کوپر نے وائٹ ہاؤس میں صدر ٹرمپ سے ملاقات کے دوران ایران کے خلاف فوجی کارروائیوں کی ممکنہ حکمت عملی اور اہداف سے متعلق تفصیلات پیش کیں۔امریکی اخبار وال اسٹریٹ جرنل کے مطابق یہ وائٹ ہاؤس میں ایڈمرل بریڈ کوپر کی ایک غیر معمولی بالمشافہ ملاقات تھی، جو ایسے وقت میں ہوئی ہے جب امریکی انتظامیہ ایران کے خلاف بڑے پیمانے پر فوجی کارروائیاں دوبارہ شروع کرنے کے امکانات کا جائزہ لے رہی ہے۔
یہ بھی پڑھیں: سعودی اتحاد نے ریاض کی جانب داغے گئے 2 بیلسٹک میزائل تباہ کر دیئے، ملبہ گرنے سے ایک شہری زخمی
اجلاس میں امریکی وزیر دفاع پیٹ ہیگسیتھ اور چیئرمین جوائنٹ چیفس آف اسٹاف جنرل ڈین کین بھی شریک تھے۔ بعض ذرائع کے مطابق کابینہ کے دیگر ارکان نے بھی اجلاس میں شرکت کی، جہاں ایران کے علاوہ دیگر اہم قومی اور علاقائی امور پر بھی تبادلہ خیال کیا گیا۔
