پشاور ( پاک ترک نیوز) پشاور میں سکیورٹی تھریٹ کے باعث سول سیکرٹریٹ کو فوری طور پر خالی کرانے کی ہدایت کردی گئی۔سیکرٹریٹ ذرائع کے مطابق سول سیکرٹریٹ میں موجود تمام دفاتر خالی کرائے جا رہے ہیں، جبکہ بیشتر ملازمین اور افسران عمارت سے باہر نکل گئے ہیں۔سکیورٹی خدشات کے پیش نظر سول سیکرٹریٹ کی مسجد بھی بند کردی گئی ہے۔ نماز جمعہ کی ادائیگی کے لیے مسجد میں موجود افراد کو بھی فوری طور پر باہر جانے کی ہدایت کی گئی۔
یہ بھی پڑھیں: پاکستان،سعودی عرب ،ترکیہ کے وزرائے خارجہ کی نیویارک میں ملاقات
حکام کے مطابق سول سیکرٹریٹ کو خالی کرانے کی ہدایت سکیورٹی تھریٹ کے باعث دی گئی ہے۔دوسری جانب پولیس ذرائع کے مطابق ورسک روڈ پشاور پر واقع سابق فاٹا سیکرٹریٹ کی عمارت بھی خالی کرا لی گئی ہے۔ عمارت میں محکمہ اطلاعات، محکمہ لائیوسٹاک، محکمہ صحت اور دیگر محکموں کا عملہ تعینات ہے۔ادھر سکیورٹی خدشات کے پیش نظر پولیس لائنز پشاور میں داخلہ بھی بند کردیا گیا ہے۔
