کوہاٹ (پاک ترک نیوز) اولڈ پولیس لائنز پر دہشت گرد حملے کے بعد سیکیورٹی فورسز کا کلیئرنس آپریشن مکمل کرلیا گیا، کارروائی میں تمام دہشت گرد ہلاک کردیئے گئے۔سیکیورٹی ذرائع کے مطابق آج نماز فجر کے بعد پاک فوج کے کمانڈوز نے پولیس لائنز میں کارروائی کی اور عمارت میں چھپے آخری دو خودکش بمباروں کو بھی ہلاک کردیا۔ذرائع کے مطابق آپریشن کے دوران مجموعی طور پر 7 خوارج مارے گئے۔سیکیورٹی ذرائع کا کہنا ہے کہ آپریشن کی براہِ راست نگرانی جنرل آفیسر کمانڈنگ کوہاٹ نے کی۔ پاک فوج کے کمانڈوز، جوانوں اور بم ڈسپوزل اسکواڈ نے پولیس لائنز کے مختلف حصوں کی مکمل تلاشی لی اور علاقے کو کلیئر کرلیا۔
یہ بھی پڑھیں: پی ٹی آئی کا لانگ مارچ روکنے کیلئے45ہزار پولیس اہلکار تیار
کلیئرنس آپریشن مکمل ہونے کے بعد پولیس لائنز کو پولیس کے حوالے کردیا گیا۔ذرائع کے مطابق سیکیورٹی فورسز نے آپریشن کے دوران ممکنہ بارودی مواد اور دیگر خطرناک اشیا کی بھی مکمل جانچ کی، جبکہ علاقے میں سیکیورٹی کے مزید اقدامات جاری ہیں۔
