اسلام آباد(پاک ترک نیوز ) اوگرا نے حکومتی پٹرولیم قیمتوں کے طریقہ کار کے تحت 19 سے 21 ستمبر 2026 کے لیے پٹرولیم مصنوعات کی ایکس ڈپو قیمتوں میں کمی کردی۔
پٹرولیم ڈویژن کے مطابق نئی قیمتیں عالمی منڈی میں پٹرول اور ڈیزل کی قیمتوں سے منسلک ہیں۔
اوگرا کے اعلامیے کے مطابق پٹرول کی قیمت میں 1 روپے 65 پیسے فی لیٹر کمی کردی گئی ہے، جس کے بعد نئی قیمت 389 روپے 14 پیسے فی لیٹر مقرر کی گئی ہے۔
ہائی اسپیڈ ڈیزل کی قیمت میں 88 پیسے فی لیٹر کمی کی گئی ہے، جس کے بعد ڈیزل کی نئی قیمت 424 روپے 4 پیسے فی لیٹر مقرر ہوگئی ہے۔
اعلامیے کے مطابق پٹرولیم مصنوعات کی قیمتوں میں ردوبدل عالمی منڈی میں قیمتوں، فریٹ ریٹس، پریمیم اور دیگر متعلقہ اخراجات میں تبدیلیوں کو مدنظر رکھتے ہوئے کیا گیا ہے۔
