کراچی (پاک ترک نیوز )کراچی کے نوجوان تاجر میر رضا کے قتل کیس میں نئے تفتیشی افسر سراج لاشاری عدالت میں پیش ہوگئے۔ عدالت نے کیس کی تفتیش میں سست روی پر تشویش کا اظہار کرتے ہوئے پولیس کو 24 اگست کو پیش رفت رپورٹ پیش کرنے کا حکم دے دیا۔
دورانِ سماعت مقتول کے بزنس پارٹنر محمد احمد کی عبوری ضمانت کی درخواست پر بھی سماعت ہوئی۔ وکیل کی استدعا پر عدالت نے پولیس کو ملزم محمد احمد کو ہراساں کرنے سے روک دیا۔
دوسری جانب میر رضا قتل کیس کی تحقیقات کے لیے قائم تحقیقاتی کمیٹی میں مزید دو ارکان کا اضافہ کردیا گیا ہے۔ نئے ارکان میں ایس ایچ او شاہ لطیف تھانہ اور ایک ڈی ایس پی شامل ہیں۔
تحقیقاتی کمیٹی کیس کے مختلف پہلوؤں کا جائزہ لے رہی ہے، جبکہ تفتیشی عمل میں مزید پیش رفت متوقع ہے۔
میر رضا قتل کیس، عدالت کا تفتیش میں سست روی پر اظہار تشویش
