سوات (پاک ترک نیوز )سوات میں کبل پولیس اسٹیشن کے باہر خودکش دھماکے تحقیقات کے لیے جے آئی ٹی قائم کردی گئی،
آئی جی خیبر پختونخوا نے سیدو شریف اسپتال میں زخمی اہلکاروں کی عیادت کے بعد میڈیا سے گفتگو میں کہا کہ دہشتگردی کا خدشہ موجود تھا جس کے باعث سخت سیکیورٹی انتظامات کیے گئے تھے، پولیس جوانوں نے خودکش حملہ آور کو روکا، جس پر دھماکا ہوا۔
اس سے قبل سوات دھماکے میں شہید 7 پولیس اہل کاروں کی نماز جنازہ پولیس لائن میں ادا کر دی گئی، حملے میں 7 پولیس اہلکاروں سمیت 16 افراد شہید ہوئے۔
