اسلام آباد ( پاک ترک نیوز) ڈیزل اور پیٹرول کی بڑھتی ہوئی قیمتوں کے خلاف پاکستان گڈز ٹرانسپورٹ الائنس اور دیگر ٹرانسپورٹرز ایسوسی ایشنز نے 8 اگست سے غیر معینہ مدت کے لیے ملک گیر ہڑتال کا اعلان کر دیا ہے۔
کراچی پریس کلب میں مشترکہ پریس کانفرنس کرتے ہوئے ٹرانسپورٹرز رہنماؤں نے کہا کہ پیٹرولیم مصنوعات کی مسلسل بڑھتی ہوئی قیمتوں کے باعث ٹرانسپورٹ کا کاروبار چلانا ناممکن ہو چکا ہے۔ ان کا کہنا تھا کہ وفاقی حکومت کی غلط پالیسیوں نے انہیں ہڑتال پر جانے پر مجبور کر دیا ہے۔
پاکستان گڈز ٹرانسپورٹ الائنس کے رہنما ملک شہزاد اعوان نے کہا کہ 8 اگست سے ملک بھر میں اشیائے ضروریہ سمیت ہر قسم کے سامان کی ترسیل مکمل طور پر بند کر دی جائے گی اور یہ ہڑتال غیر معینہ مدت تک جاری رہے گی۔
یہ بھی پڑھیں: دنیا بھر میں جنگلی شیروں کی آبادی میں اضافہ، بنگلہ دیش کو ماحولیاتی چیلنجز درپیش
ٹرانسپورٹرز نے وفاقی وزیر پیٹرولیم سے استعفیٰ دینے کا بھی مطالبہ کرتے ہوئے کہا کہ حکومت فوری طور پر پیٹرولیم مصنوعات کی قیمتوں میں کمی لائے، بصورت دیگر احتجاج کا دائرہ مزید وسیع کیا جائے گا۔
