واشنگٹن(پاک ترک نیوز )امریکی سینٹرل کمانڈ کے مطابق امریکی فورسز نے ایران میں پاسدارانِ انقلاب کے متعدد فوجی اہداف پر تازہ حملے کیے ہیں۔ امریکی حکام کا کہنا ہے کہ کارروائی میں ایرانی فضائی دفاعی نظام، ریڈار تنصیبات، بحری اثاثوں، بارودی سرنگیں بچھانے کی صلاحیت اور مواصلاتی مراکز کو نشانہ بنایا گیا۔سینٹ کام کے مطابق یہ کارروائی آبنائے ہرمز میں تجارتی جہازوں اور خطے میں موجود امریکی فوجیوں کے خلاف پاسدارانِ انقلاب کی مبینہ کارروائیوں کے جواب میں کی گئی۔
امریکی حملوں کے بعد ایران کے جنوبی ساحلی علاقوں میں دھماکوں کی اطلاعات سامنے آئی ہیں۔ ایرانی میڈیا کے مطابق بندر عباس اور قشم جزیرے سمیت دیگر علاقوں میں دھماکوں کی آوازیں سنی گئیں۔دوسری جانب ایران نے امریکی حملوں کے جواب میں خطے میں امریکی مفادات اور فوجی تنصیبات کو میزائل اور ڈرون حملوں کا نشانہ بنایا ہے، جس کے بعد امریکا اور ایران کے درمیان کشیدگی مزید شدت اختیار کرگئی ہے۔
یہ بھی پڑھیں: ویمن ٹی20 ایشیا کپ: پاکستان نے تھائی لینڈ کو 35 رنز سے شکست دے دی
آبنائے ہرمز میں بھی صورتحال انتہائی حساس ہوگئی ہے۔ تجارتی جہازوں کی آمدورفت میں نمایاں کمی ریکارڈ کی گئی ہے، جبکہ خطے میں جاری فوجی کارروائیوں سے عالمی توانائی کی ترسیل متاثر ہونے کا خدشہ بڑھ گیا ہے۔
