اسلام آباد ( پاک ترک نیوز) نائب وزیراعظم اسحاق ڈار اور ایرانی وزیر خارجہ کا ٹیلیفونک رابطہ ہوا ہے ،عباس عراقچی نے صدر مسعود پزشکیان کے دورہ پاکستان میں شاندار میزبانی پر حکومت پاکستان اور عوام سے اظہار تشکر کیا ہے۔
ایرانی وزیر خارجہ عباس عراقچی نے کہا توقع ہے صدر پژشکیان کے دورے میں طے پانے والے معاہدوں اور مفاہمت پر سنجیدگی سے عملدرآمد ہو گا۔
اسحاق ڈار نے ایرانی وزیر خارجہ کو جہاز کے ایرانی عملے کی رہائی کے لئے پاکستان کی کوششوں سے آگاہ کیا ۔پاک ایران وزرائے خارجہ نے تازہ ترین سفارتی پیش رفت کا بھی جائزہ لیا۔
یہ بھی پڑھیں: پاکستان میں امت مسلمہ کو لیڈ کرنے کی صلاحیت ہے،اسحاق ڈار
پاک ایران وزرائے خارجہ نےخطے میں پائیدار امن اور استحکام کے لئے قریبی تعاون اور مشاورت برقرار رکھنے پر اتفاق کیا ہے۔
