استنبول ( پاک ترک نیوز) نائب وزیراعظم و وزیر خارجہ اسحاق ڈار ایک روزہ سرکاری دورے پر استنبول پہنچ گئے، جہاں ترک وزارت خارجہ کے ڈائریکٹر جنرل جیہاد ارگینے اور پاکستانی سفارتی حکام نے ان کا استقبال کیا۔
پاکستان کے ناظم الامور شائق احمد، استنبول میں پاکستانی قونصل جنرل خواجہ خرم نعیم اور ایڈیشنل سیکریٹری سفیر خلیل ہاشمی بھی استقبال کرنے والوں میں شامل تھے۔نائب وزیراعظم اسحاق ڈار ایک روزہ سرکاری دورے میں آر فور اور آر فور پلس وزارتی اجلاسوں میں شرکت کریں گےآر فور اجلاس میں پاکستان، ترکیہ، سعودی عرب اور مصر کے وزرائے خارجہ شریک ہوں گے، جبکہ آر فور پلس اجلاس میں فرانس، جرمنی، اٹلی اور برطانیہ کے وزرائے خارجہ بھی شرکت کریں گے۔
یہ بھی پڑھیں: پنجاب میں 20 کلو آٹے کا تھیلا بند، مارکیٹ میں صرف 10 کلو آٹا بیگ فروخت ہوگا
دورے کے دوران نائب وزیراعظم اسحاق ڈار کی ترک صدر رجب طیب اردوان سے ملاقات بھی متوقع ہے۔ اس کے علاوہ وہ اپنے ہم منصبوں سے دوطرفہ ملاقاتیں بھی کریں گے۔
