نئی دہلی ( پاک ترک نیوز) بحرہ عمان میں امریکی ناکہ بندی توڑنےکی کوشش کرنےوالابھارتی آئل ٹینکرامریکی فضائی حملے میں تباہ کر دیا گیا ،امریکی کی وارننگ کو نظر انداز کرنے والے بھارتی آئل ٹینکر کو امریکی افواج نے بحیرۂ عمان میں گھیر کر نشانہ بنا ڈالا۔
عالمی جریدہ رائٹرز کے مطابق امریکی فورسز نےہدایات بار بار نظر انداز کرنے پر بھارتی جہاز کے انجن روم پر پریسجن گائیڈڈ ہتھیاروں سے حملہ کر دیا، امریکی فوج کے مطابق جہاز نے امریکی ناکہ بندی کی خلاف ورزی کرتے ہوئے ایران سے تیل منتقل کرنے کی کوشش کی۔
رائٹرز کے مطابق خلیج عمان میں حملے کے بعد بھارتی آئل ٹینکر میں آگ لگنے سے 3 بھارتی لاپتا ہیں، 28 افراد کے عملے میں سے 24 بھارتی شہری تھے ۔
عالمی جریدے کے مطابق بھارت نے بحیرۂ عمان میں آئل ٹینکر حملے پر امریکی مشن کے نائب سربراہ کو طلب کیا اور آئل ٹینکر پر امریکی حملے کے خلاف باضابطہ طور پر اپنا شدید احتجاج ریکارڈ کرایا۔
بھارتی میڈیا کے مطابق بھارتی آئل ٹینکر پر امریکی فضائیہ کے حملے میں 2بھارتی اہلکار ہلاک ہوئے ہیں۔
ماہرین کا کہنا ہے بھارت امریکا کے براہ راست حملے کےباوجود اپنی کمزور خارجہ پالیسی کے باعث کسی بھی قسم کی بڑی کارروائی کرنے کی پوزیشن میں نہیں، امریکہ کے ساتھ گہرے تزویراتی تعلقات کے دعوے دار بھارت کے لیے یہ واقعہ ایک بہت بڑا دھچکا ہے۔
