اسلام آباد ( پاک ترک نیوز) ترجمان دفتر خارجہ کا کہناہے پاکستان کو مشرق وسطیٰ کی حالیہ صورتحال پر تشویش ہے، پاکستان فریقین پر ضبط و تحمل کیلئے زور دیتا ہے، مسائل کے پرامن حل کے خواہاں ہیں ۔
طاہر حسین اندرابی نے ہفتہ وار نیوز کانفرنس میں کہا آزاد کشمیر سے متعلق بھارتی بیانات مسترد کرتے ہیں ۔ کشمیر سے متعلق بھارتی بیانات کی کوئی وقعت ہے نہ کوئی جواز۔،بھارت حل طلب تنازعات سے توجہ ہٹانا چاہتا ہے۔
ترجمان نے کہا بھارت غیر ذمہ دارانہ بیانات سے مقبوضہ کشمیر کی صورتحال سے توجہ ہٹانا چاہتا ہے۔ بھارت مقبوضہ کشمیر میں ظلم کر رہا ہے،کشمیر عالمی سطح پر تسلیم شدہ متناع خطہ ہے۔کشمیر کا تنازع کشمیریوں کی امنگوں اور سلامتی کونسل کی قراردادوں کے مطابق حل ہونا چاہیئے۔ پانی پاکستان کی ترقی اور بقا کا معاملہ ہے۔
ترجمان نے مزید کہا صومالی قزاقوں نے کارگو شپ پرپاکستانی شہریوں کو یرغمال بنایا،پاکستان اپنے شہریوں کی بازیابی کے لیے صومالیہ کی قیادت میں رابطے میں ہے۔ صومالیہ کے وزیر خارجہ نے پاکستانی مغویوں کی بحفاظت رہائی کی یقین دہانی کرائی۔
