لاہور( پاک ترک نیوز) وزیر اعلیٰ پنجاب مریم نواز شریف نے پی پی83کے ضمنی انتخاب میں پاکستان مسلم لیگ (ن)کے امیدوار سردار ظفر عباس بلوچ کی کامیابی پر اظہار تشکر کیا اور کامیاب میدوارسردار ظفر عباس بلوچ سمیت حلقے کے تمام ووٹرز کو مبارکباد دی۔
وزیراعلیٰ مریم نوازشریف نے پی پی 83 خوشاب کے عوام کا شکریہ ادا کیا،کہتی ہیں پی پی 83 ضمنی انتخاب میں بلا مقابلا کامیابی نے پاکستان مسلم لیگ (ن)کی عوامی مقبولیت پر مہر تصدیق ثبت کر دی ہے۔ قائد محمد نواز شریف کی قیادت میں عوامی خدمت کا سفر جاری رکھیں گے۔ پاکستان مسلم لیگ (ن) کی حکومت نے کم سے کم مدت میں زیادہ سے زیادہ عوامی ترقیاتی منصوبوں کا ریکارڈ قائم کیا۔
پی پی 83کا ضمنی الیکشن ،لیگی امیدوار کی کامیابی پر مریم نواز کی ظفر عباس بلوچ کو مبارکباد
