امریکا اور ایران کی لڑائی کو روکنا ضروری ہے،چینی صدر

بیجنگ ( پاک ترک نیوز) چینی صدر شی جن پنگ کا کہناہے امریکا اور ایران کی لڑائی کو روکنا ضروری ہے۔مشرق وسطیٰ میں فوری جنگ بندی وقت کی اہم ضرورت ہے ۔
روسی ہم منصب ولادی میر پوٹن سے گفتگو میں چینی صدر نے کہا خلیجی خطہ جنگ اور امن کےدرمیان نہایت نازک موڑ پر کھڑا ہے۔ دوبارہ جنگ یا فوجی کارروائی شروع کرنا مزید خطرناک ہوگا۔ مذاکرات کے ذریعے مسائل حل کرنا ہوں گے۔
روس اور چین کو یکطرفہ غنڈہ گردی اور تاریخ کوپلٹانے والے تمام اقدامات کی مخالفت کرنی چاہیئے ،روسی صدر پوٹن نے کہا چین اور روس کو ایک دوسرے کی ترقی اور استحکام میں تعاون بڑھانا چاہیئے۔ملاقات میں دو طرفہ تعلقات اور تعاون بڑھانے ، توانائی تعاون ،اسلحہ معاہدوں اور اقتصادی شراکت داری پر مشاورت ہوئی ۔