ایران کے وزیر خارجہ عباس عراقچی کا امریکا کو معاشی نتائج کا انتباہ

تہران ( پاک ترک نیوز) ایران کے وزیر خارجہ عباس عراقچی نے امریکا کو معاشی نتائج کا انتباہ دیا ہے ،سوشل میڈیا پر پیغام میں عباس عراقچی نے لکھا ایران کے خلاف جاری جنگِ انتخاب کی قیمت امریکی عوام کو بڑھتے ہوئے معاشی دباؤ کی صورت میں چکانا پڑے گی۔امریکی ٹریژری بانڈز کی شرحِ منافع میں اضافہ اس بات کا ثبوت ہے کہ مالیاتی حالات مزید سخت ہو رہے ہیں۔
عباس عراقچی نے کہا 2 سالہ، 10 سالہ اور 30 سالہ بانڈ ییلڈز میں اضافہ قرضوں، ہاؤسنگ مارگیجز اور صارفین کے قرضوں پر دباؤ بڑھا دے گا، توانائی کی قیمتوں میں اضافہ اور گھریلو مالی مشکلات مزید شدت اختیار کریں گی۔
ایرانی وزیر خارجہ نے کہا امریکہ اور اسرائیل کی جانب سے ایران کے خلاف جنگ شروع کیے جانے کے بعد خطے میں کشیدگی اور عالمی معاشی دباؤ بڑھ گیا ہے۔