اسلام آباد ( پاک ترک نیوز) پاکستان کا فتح میزائل سسٹم تجربہ ،معرکہ حق میں دشمن کی جارحیت کا منہ توڑ جواب دینے کا عزم ۔
جنگی مشق انڈس کے تحت فتح میزائل کے کامیاب تجربے نے پاکستان کی دفاعی تیاریوں کو مزید مضبوط کر دیا ،بھارت کے دھمکی آمیز بیانات کے جواب میں پاکستان نے دفاعی صلاحیتوں کا اظہارکر کے دشمن کو خبردار کیا، فتح میزائل زمین سے زمین پر 120 کلومیٹر تک مار کرنے کی صلاحیت کا حامل ہے ۔
پاکستان نے فتح میزائل کے کامیاب تجربے سے جدید نیوی گیشن سسٹم سمیت اہم تکنیکی پہلوؤں کی توثیق کی،فتح میزائل کے کامیاب تجربے سے پاکستان نے دشمن کو واضح کر دیا کہ پاک فوج ہر جارحیت کا بھرپور جواب دینے کی صلاحیت رکھتی ہے،عالمی ماہرین کے مطابق پاکستان نے پہلگام فالس فلیگ کی آڑ میں دشمن کے مذموم عزائم کو بروقت بھانپتے ہوئے فتح میزائل کا کامیاب تجربہ کر کے بھارت کو تنبیہ کر دی ،پاکستان کے اسٹرٹیجک اداروں اور سیکیورٹی فورسز کی بدولت پاکستان کا دفاع ناقابل تسخیر ہے۔
پاکستان کا فتح میزائل سسٹم تجربہ ، دشمن کی جارحیت کا منہ توڑ جواب دینے کا عزم
