اسلام آباد ( پاک ترک نیوز) اسلام آباد ہائی کورٹ نے بانی پی ٹی آئی کے طبی معائنے اور نیا میڈیکل بورڈ تشکیل دینے کا حکم دے دیا۔
بانی کی شفاء انٹرنیشنل ہسپتال منتقلی کی درخواست مسترد کر دی گئی ،،جسٹس ارباب محمد طاہر نے چیف کمشنر کو میڈیکل بورڈ بنانے اور ڈاکٹر عارف ،ڈاکٹر ندیم قریشی کوبھی میڈیکل بورڈ میں شامل کرنے کا حکم دیا ،عدالت نے جیل رولز کے مطابق فیملی کو بھی علاج سے آگاہ کرنے کی ہدایت کی۔
عدالت نے اپنے فیصلے میں کہا ڈاکٹر ندیم قریشی بانی پی ٹی آئی کی فیملی کے ساتھ رابطے میں رہیں گے۔۔عدالت کی لارجر بینچ کے فیصلے کے مطابق وکلاء اور فیملی کی بانی سے ملاقات کرانے کی ہدایت۔
سماعت کے دوران ، وکیل لطیف کھوسہ نے دلائل دیئے، بانی کی آنکھ کی 85 فیصد بینائی جاچکی، صرف 15 فیصد باقی ہے، اکتوبر میں یہ اگر علاج شروع کرادیتےتو صورتحال مختلف ہوتی ، شہبازشریف کو پچاس روپے کے اسٹامپ پیپر پر بیرون ملک کی اجازت دی گئی تھی، چارہفتوں میں واپسی کا بیان حلفی دیا تھا، جسٹس ارباب محمد طاہر نے مسکراتے ہوئے ریمارکس دیئے، چار نہیں آٹھ ہفتے دیئے تھے۔
بانی پی ٹی آئی کے طبی معائنے کیلئے میڈیکل بورڈ بنانے کا حکم ،شفاء ہسپتال منتقلی کی درخواست مسترد
