اسلام آباد ( پاک ترک نیوز) انسداد دہشت گردی عدالت اسلام آباد نے بانی پی ٹی آئی کے ایک مقدمے میں جیل ٹرائل شروع ہونے کا عندیہ دے دیا۔انسداد دہشت گردی عدالت کے جج طاہر عباس سپرا نے سماعت کے دوران ریمارکس دیے کہ بانی پی ٹی آئی کا ایک کیس میں جیل ٹرائل شروع ہونے والا ہے، کیا پتا اسی کیس میں شروع ہوجائے جو میرے پاس زیر سماعت ہے۔بانی پی ٹی آئی کے وکیل مرتضیٰ طوری نے عدالت سے استفسار کیا کہ جیل ٹرائل کے لیے وزارت قانون کو جو خط لکھا گیا تھا، کیا اس کا جواب آگیا ہے؟
عدالت کی جانب سے وزارت قانون کو لکھے گئے خط کے حوالے سے کوئی جواب نہیں دیا گیا۔ اس کے بعد جج طاہر عباس سپرا نے مسکراتے ہوئے اگلا کیس پکارنے کا حکم دے دیا۔بعد ازاں بانی پی ٹی آئی کے خلاف تھانہ بہارہ کہو میں درج مقدمے کی سماعت ہوئی۔ بانی پی ٹی آئی کے علاوہ مقدمے میں نامزد چاروں ملزمان عدالت میں پیش ہوئے۔
یہ بھی پڑھیں: لاہور ہائیکورٹ کے جسٹس راحیل کامران شیخ مستعفی
بانی پی ٹی آئی کی عدم دستیابی کے باعث عدالت نے مقدمے میں مزید کارروائی نہ کی اور سماعت 29 اکتوبر تک ملتوی کردی۔
