حج کا رکن اعظم وقوفہ عرفہ آج ادا کیا جائے گا،عازمین حج میدان عرفات میں جمع ہونا شروع

مکہ مکرمہ ( پاک ترک نیوز) ‏لبیک اللھم لبیک، لبیک لا شریک لک لبیک ۔۔۔حج کا رکن اعظم وقوفہ عرفہ آج ادا کیا جائے گا ۔
دنیا بھر سے آئے لاکھوں عازمین حج نماز فجر کی ادائیگی کے بعد میدانِ عرفات میں جمع ہونا شروع ، تاریخی مسجد نمرہ میں خطبہ حج سنیں گے۔ حجاج میدان عرفات میں خطبہ حج سننے کے بعد ظہر اور عصر کی نمازیں اکٹھی ادا کریں گے ۔
غروبِ آفتاب کے بعد حجاج مزدلفہ روانہ ہوں گے ۔ مغرب اور عشا کی نمازیں ملا کر پڑھیں گے ۔حجاج رات کھلے آسمان تلے گزاریں گے ۔ شیطان کو مارنے کے لیے کنکریاں جمع کریں گے۔ حجاج کل نماز فجر کے بعد رمی کے لئے روانہ ہوں گے، بڑے شیطان کو 7 کنکریاں ماریں گے ۔ قربانی کریں گے، حجاج کرام سر کے بال منڈوانے کے بعد احرام کھول دیں گے ۔
منیٰ اور عرفات میں شدید گرمی، درجہ حرارت 47 ڈگری تک رہنے کا امکان ہے ، مقدس مقامات پر خصوصی انتظامات کر دیئے ، سایہ دار جگہوں، کولنگ فین اور طبی سہولیات میں اضافہ کر دیا گیا۔