اسلام آباد ( پاک ترک نیو ز)فیلڈ مارشل سید عاصم منیر ایران پہنچ گئے، ایران، امریکا امن معاہدے اور مذاکرات کے لئے ڈرافٹ تیار کر لیا گیا ، سیکیورٹی ذرائع کے مطابق فیلڈ مارشل سید عاصم منیر دورہ ایران کے دوران ایران امریکہ بات چیت ،خطے میں قیام امن اور دیگر اہم امور پر بات چیت کرینگے، دورے کے دوران فیلڈ مارشل سید عاصم منیر اعلی ایرانی شخصیات سے ملاقات کرینگے
ادھر ایران اور امریکا کے درمیان اہم معاہدے کا ڈرافٹ فائنل ہو گیا ۔ ذرائع کے مطابق مجوزہ معاہدے میں فوری جنگ بندی، آبنائے ہرمز سے جہازوں کی آزاد آمدورفت اور ایران پر عائد پابندیاں بتدریج ختم کرنے کی شقیں شامل ہیں ۔ ایران پر عائد بین الاقوامی پابندیوں کو مرحلہ وار ختم کیا جائیگا، جس کیلئے آئندہ مراحل میں مزید مذاکرات بھی ہونگے۔رپورٹس کے مطابق چند گھنٹوں کے اندر معاہدے کے ڈرافٹ کی تکمیل کا باضابطہ اعلان کیے جانے کا امکان ہے۔ذرائع نے مزید بتایا آئندہ سات روز کے دوران دیگر اہم معاملات کو حتمی شکل دینے کیلئے مزید بات چیت کی جائیگی
