واشنگٹن (پاک ترک نیوز )امریکی صدر ڈونلڈ ٹرمپ نے ایران پر حملے روکنے کا فیصلہ کرلیا، مذاکرات اور سفارت کاری کو آخری موقع دینے کا اعلان کیاگیا ہے ۔
امریکی صدر نے کہا سفارت کاری ناکام ہوئی تو ایران کے خلاف دوبارہ انتہائی سخت اور وسیع فوجی کارروائی کا حکم دے سکتا ہوں،ایران کے ساتھ گہری بات چیت جاری ہے، مذاکرات کے لیے زیادہ وقت نہیں دیں گے، فیصلہ جلد کرنا ہوگا۔
امریکی صدر نے کہا ایران اور اومان کے درمیان مذاکرات میں پاکستان، قطر، مصر اور امریکی ایلچی بھی سرگرمی سے شامل ہیں،آبنائے ہرمز کو دوبارہ کھولنے اور جامع جوہری معاہدے پر بات چیت کی بحالی کے لیے اہم پیش رفت ہو رہی ہے ۔
امریکی صدر ڈونلڈ ٹرمپ نے کہا خطے کے ممالک اور ثالثوں کی درخواست پر ایران کے خلاف کارروائی روکی ہے،آبنائے ہرمز سے گزرنے والے تجارتی جہازوں سے میری ٹائم سیکیورٹی کے لیے مناسب سروس فیس وصول کرنے کی تجویز زیر غور ہے۔
امریکی صدر ڈونلڈ ٹرمپ نے کہا میں صدر نہ ہوتا تو اب تک ایران جوہری ہتھیار بنا چکا ہوتا اور اسرائیل تباہ ہو چکا ہوتا۔
