لاہور( پاک ترک نیوز) چاند رات اور عید الفطر کیلئے پنجاب پولیس کا سکیورٹی پلان تیار کر لیا گیا ۔
آئی جی پنجاب عبدالکریم کا کہناہے لاہور سمیت صوبہ بھر میں سکیورٹی ہائی الرٹ ہے ۔ سپیشل برانچ، سی ٹی ڈی، سیکورٹی ایجنسیز کی مدد سے دہشت گردوں، شر پسند عناصر پر کڑی نظر رکھیں ۔
سی سی ٹی وی کیمروں سے مساجد، امام بارگاہوں، مارکیٹوں، اہم مقامات کی مسلسل مانیٹرنگ کی جائے ، ترجمان پنجاب پولیس کا کہناہے چاند رات پر لاہور سمیت صوبہ بھر میں مارکیٹوں، اہم مقامات پر لیڈی پولیس سمیت 17 ہزار سے زائد افسران و اہلکار تعینات ہونگے۔
صوبائی دارالحکومت میں 05 ہزار افسران و اہلکار سکیورٹی کے فرائض انجام دیں گے، عید الفطر پر لاہور سمیت صوبہ بھر میں 29 ہزار عید اجتماعات کیلئے47 ہزار سے زائد افسران و اہلکار تعینات ہونگے۔
چاند رات اور عید الفطر کیلئے پنجاب پولیس کا سکیورٹی پلان تیار
