کراچی(پاک ترک نیوز ) حکومت سندھ نے صوبے بھر میں دفعہ 144 میں مزید ایک ماہ کی توسیع کر دی ، جس کا اطلاق یکم اگست سے ہوگا۔ اس حوالے سے محکمہ داخلہ سندھ نے باقاعدہ نوٹیفکیشن جاری کر دیا ۔
نوٹیفکیشن کے مطابق دفعہ 144 کے نفاذ کے دوران جلسے، جلوس، مظاہرے اور ریلیوں پر پابندی برقرار رہے گی، جبکہ وال چاکنگ اور اسلحے کی نمائش پر بھی پابندی عائد ہوگی۔
محکمہ داخلہ سندھ نے چہلم کے موقع پر امن و امان کی صورتحال کو مدنظر رکھتے ہوئے ڈبل سواری پر بھی پابندی عائد کرنے کا فیصلہ کیا ہے۔ اس سلسلے میں آئی جی سندھ کو مراسلہ ارسال کر دیا گیا ہے۔
محکمہ داخلہ سندھ نے صوبے کے تمام ڈویژنل ہیڈکوارٹرز میں ڈبل سواری پر پابندی کا نوٹیفکیشن بھی جاری کر دیا ۔
