کراچی(پاک ترک نیوز) سندھ میں کم عمری کی شادیوں سے متعلق اہم اعداد و شمار سامنے آگئے، صوبے میں 24 فیصد سے زائد لڑکیوں کی شادی 18 سال کی عمر سے پہلے کر دی جاتی ہے، جبکہ ساڑھے سات فیصد لڑکیوں کی شادی 15 سال کی عمر سے پہلے ہونے کا انکشاف ہوا ہے۔
بچوں کے حقوق کے قومی کمیشن کی رپورٹ کے مطابق سندھ میں 18 سال سے کم عمر میں شادی کرنے والے لڑکوں کی شرح 8.5 فیصد ریکارڈ کی گئی، جبکہ 2.2 فیصد لڑکوں کی شادی 15 سال کی عمر سے پہلے ہوئی۔
یہ اعداد و شمار پاکستان میں بچوں کی صورت حال سے متعلق 2024 کی رپورٹ میں سامنے آئے ہیں، جو اقوام متحدہ کے ادارے برائے اطفال کے تعاون سے تیار کی گئی۔
یہ بھی پڑھیں: امریکی سینیٹ کام نے آبنائے ہرمز پر کنٹرول کا ایرانی دعویٰ مسترد کردیا
رپورٹ میں پاکستان میں بچوں کے حقوق، انہیں درپیش مسائل اور ان کے تحفظ سے متعلق مختلف پہلوؤں کا جائزہ لیا گیا ہے۔
