پاکستان میں بجلی کے بل کا نیا اور آسان فارمیٹ متعارف کروا دیا گیا۔ترجمان پاور ڈویژن کا کہنا ہے کہ نئے بل میں قابلِ ادائیگی رقم، آخری تاریخ اور یونٹس کی تفصیل نمایاں ہو گی۔
ترجمان نے کہا ہے کہ پرانے بل کے فارمیٹ پر صارفین کی شکایات موصول ہو رہی تھیں، صارفین کی آراء اور شکایات کی بنیاد پر بل کا فارمیٹ ازسرِنو ڈیزائن کیا گیا۔ نئے بل میں غیر ضروری معلومات اور پیچیدگی کم کر دی گئی ہے، بل کی تمام اہم معلومات اب زیادہ منظم اور واضح انداز میں پیش کی جائیں گی۔
یہ بھی پڑھیں: گرمیوں میں بجلی کا بل کیسے کم کریں؟
ترجمان پاور ڈویژن کے مطابق لیسکو،گیپکو،میپکو میں نئے فارمٹ کے تحت بلوں کی پرنٹنگ شروع کر دی گئی ۔دیگر ڈسکوز میں بھی پرنٹنگ کے انتظامات مکمل ہونے کے بعد یہ نیا نظام نافذ کر دیا جائے گا۔
