لاہور(پاک ترک نیوز )لاہور کے علاقے ڈیفنس میں وفاقی وزیر اطلاعات عطا تارڑ کی گاڑی کے قریب ہوائی فائرنگ کی گئی ۔
پولیس کے مطابق کار سوار نوجوان نے وفاقی وزیر کی گاڑی کو اوور ٹیک کیا اور فائر کر دیے، نوجوان لڑکے کو اسلحے سمیت گرفتار کر لیا گیا
پولیس کا کہنا ہے کہ ہوائی فائرنگ کا واقعہ ڈیفنس اے کی حدود میں گزشتہ رات پیش آیا، ملزم کی گرفتاری کیلئے سیف سٹی اتھارٹیز اور جدید ٹیکنالوجی کی مدد لی گئی۔
پولیس کے مطابق ملزم کے زیرِ استعمال گاڑی کو بھی تحویل میں لے لیا گیا ہے۔
عطا تارڑ نے کہا ہے کہ اہلخانہ کے ساتھ جارہا تھا کہ گاڑی نے بائیں جانب سے کراس کیا اور نوجوان نے 5 فائر کیے۔
