کراچی(پاک ترک نیوز ) سندھ اسمبلی کے بجٹ اجلاس کے دوران ایم کیو ایم اور پیپلز پارٹی کے اراکین کے درمیان تلخی کلامی ہوئی ہے۔
ایوان میں فرحان انصاری نے تقریر کے دوران پیپلز پارٹی کے ایک رکن کے لیے غیر پارلیمانی لفظ استعمال کیا۔غیر پارلیمانی لفظ کے استعمال پر پیپلز پارٹی کے اراکین اپنی نشستوں پر کھڑے ہوگئے۔
ٰیہ بھی پڑھیں : پیپلز پارٹی اور استحکام پاکستان پارٹی گلگت بلتستان میں مل کر حکومت بنائیں گی ،بلاول بھٹو کا عبدالعلیم خان سے رابطہ
ایم کیو ایم کے رکن فرحان انصاری کی تقریر کے دوران پیپلز پارٹی اراکین نے احتجاج کیا۔دونوں جماعتوں کے اراکین کے درمیان سخت جملوں کا تبادلہ ہوا ۔
پیپلز پارٹی اراکین نے اسپیکر سے کارروائی لینے کا مطالبہ کیا ہے۔اسپیکر سندھ اسمبلی نے مداخلت کرتے ہوئے ایوان میں نظم برقرار رکھنے کی ہدایت کی۔
اسپیکر سندھ اسمبلی نے نے فرحان انصاری کے غیر پارلیمانی الفاظ کارروائی سے حذف کرنے کا حکم دے دیا۔ اسپیکر کی ہدایت کے بعد ایوان میں صورتحال معمول پر آگئی۔
