کراچی (پاک ترک نیوز )ایم کیو ایم نے آزاد کشمیر انتخابات میں مسلم لیگ ن کی مکمل حمایت کا اعلان کردیا۔
انتخابات میں حمایت حاصل کرنے کے لیے مسلم لیگ ن کا وفد بشیر میمن کی سربراہی میں ایم کیو ایم پاکستان کے بہادرآباد مرکز پہنچا تھا۔ جہاں ان کی ملاقات ایم کیو ایم کے سینیئر رہنما ڈاکٹر فاروق ستار اور دیگر سے ہوئی۔
ملاقات کے بعد میڈیا سے گفتگو میں ڈاکٹر فاروق ستار نے آزاد کشمیرانتخابات میں مسلم لیگ ن کی مکمل حمایت کا اعلان کیا اور کہاکہ ایم کیو ایم پاکستان کے تمام امیدوار ن لیگ کے حق میں دستبردار ہوجائیں گے۔
فاروق ستار کا کہنا تھا کہ مجھے یقین ہے کہ کشمیر میں یہ انتخابات مسلم لیگ ن جیتے گی، ن لیگ جیتے گی اس کا مطلب ایم کیو ایم جیتے گی۔
