لاہور(پاک ترک نیوز ) اچھرہ کے علاقے میں 3 بچوں کو قتل کرنے والی ماں کے کیس میں اہم پیش رفت ہوئی ہے ،ملزمہ کے دوست شہر یار کو سی سی ڈی پولیس نے حراست میں لے لیا۔سی سی ڈی کی ایک ٹیم شہر یار کو گرفتار کرنے کے لیے جھنگ روانہ ہوئی تھی،
پولیس ذرائع کے مطابق شہر یار کے ساتھ ملزمہ ردا کی دوستی تھی۔شہر یار کے ساتھ متعدد کالوں کی سی ڈی آر سامنے آئی ہے۔خاتون ردا نے دوران تفتیش بھی شہر یار سے دوستی کا اعتراف کیا تھا۔شہر یار کیساتھ ردا شادی کرنا چاہتی تھی۔ پولیس کا کہناہے ملزم سے مزید تفتیش جاری ہے۔تفتیش میں اس کیس کے حوالے سے مزید تحقیق سامنے آئے گی۔
ملزمہ ردا اس وقت جسمانی ریمانڈ پر پولیس کے حالے ہے ،اچھرہ میں ماں نے تین معصوم بچوں کا بے دردی سے قتل کیا اور پھر الزام اپنے سسرالیوں پر لگانے کی کوشش کی، تاہم سفاک ماں کا ڈرامہ تفتیش کے دوران بے
نقاب ہوگیا۔واردات کے بعد ملزمہ کی ایک ویڈیو بھی سامنے آئی جس میں ملزمہ واردات کے بعد گھر سے باہر جاتے ہوئے دیکھی جا سکتی ہے ،بعد میں ملزمہ نے آ کر کہا بلڈ پریشر کم ہو گیاہے، رات بھی کم ہوا تھا، ڈرپ لگوائی تھی، بچے زندہ تھے، گھر کو تالہ لگا کر باہر گئے، اندر کوئی نہیں آیا، بچے قتل کیسے ہو ئے، نہیں معلوم۔
یہ بھی پڑھیں : لاہور ،3بچوں کی قاتلہ ماں کا 5روزہ جسمانی ریمانڈ
پولیس کے مطابق ملزمہ کی ٹال مٹول زیادہ دیر نہ چلی اور جلد ہی اس نے جرم کا اعتراف کر لیا۔تفتیشی ذرائع نے کہا کہ ردا نے دوران تفتیش اپنے شوہر پر بھی الزامات لگا دئیے، میرا خاوندمجھے غیر مردوں سے فون پر بات کرنے کو کہتا تھا، رمضان مجھے غیر مردوں سے فون پر پیسے مانگنے کو بھی کہتا۔
