لاہور ،3بچوں کی قاتلہ ماں کا 5روزہ جسمانی ریمانڈ

لاہور( پاک ترک نیوز) لاہور کے علاقے اچھرہ میں تین بچوں کی قاتلہ ماں کو عدالت میں پیش کر دیا گیا۔
مجسٹریٹ نےملزمہ کو پانچ روزہ جسمانی ریمانڈ پر پولیس کے حوالے کر دیا ، جوڈیشل مجسریٹ ارشاد حسین سبزواری نے سماعت کی،پولیس نے سخت سکیورٹی میں ملزمہ کو عدالت پیش کیا۔
ادھرملزمہ کی ایک اور سی سی ٹی وی فوٹیج سامنے آ گئی ،ملزمہ ردا کو گلی سے باہر نکلتے ہوئے دیکھا جا سکتاہے، پولیس کے مطابق ملزمہ نے تہرے قتل کے بعد وقوعہ تبدیل کرنے کی بھی کوشش کی ،واپس آ کر محلے داروں کے ساتھ مل کر ون فائیو پر کال بھی کی ۔5 سالہ مومنہ بتول، 4 سالہ مومن رضا اور ڈیڑھ سالہ امہ حبیبہ کی گلا کٹی لاشیں گھر سے ملی تھیں۔
پولیس نےو اقعے کے بعد ملزمہ کو گرفتار کیا تھا ، ملزمہ نے پولیس کےسامنے اعتراف جرم بھی کیا تھا ،پولیس کے مطابق خاتون خاوند کے ساتھ نہیں رہنا چاہتی تھی ،گھریلو تنازع پر تینوں بچوں کو موت کے گھاٹ اتارا۔