اسلام آباد (پاک ترک نیوز )وفاقی وزیر اطلاعات عطا تارڑ کا کہناہے پانی پاکستان کے 24 کروڑ عوام کی شہ رگ ہے،پاکستان کےلیے پانی زندگی کا مسئلہ ہے، اس پر کسی قسم کاسمجھوتہ نہیں ہوسکتا۔ ہمیں پانی کو تنازع کے بجائے تعاون کا ذریعہ بنانا چاہیئے ، پاکستان ہر صورت سندھ طاس عماہدے کے تقدس کا تحفظ کرے گا
وفاقی وزیراطلاعات عطا تارڑ نے اسلام آباد میں سندھ طاس معاہدے سے متعلق بین الاقوامی سیمینار سے خطاب، کہا، عوام کو دریائے سندھ کے پانی پر پورا حق حاصل ہے،1960 کا سندھ طاس معاہدہ عالمی تعلقات میں منفرد مقام رکھتا ہے، پاکستان کی تاریخ دراصل دریائے سندھ کی تاریخ ہے،چھ دہائیاں قبل دو ممالک نے ایک غیر معمولی فیصلہ کیا ۔
سندھ طاس معاہدے کی یکطرفہ معطلی نے بھارت کو عالمی فورمز پر سبکی سے دوچار کیا
یہ بھی پڑھیں: پانی کی قلت سےصرف پاکستان ہی نہیں بنگلہ دیش بھی متاثر ہورہا ہے،مصدق ملک
وزیر اطلاعات نے کہا سندھ طاس معاہدے میں ترمیم ہوسکتی ہے نہ اسے ختم کیا جاسکتا ہے، پانی روکنے کی کوشش کی گئی تو ہم اپنے حق کی خاطر موثر جواب دینے کےلیے پوری طرح پرعزم ہیں۔
