اسلام آباد ( پاک ترک نیوز) وفاقی وزیر اطلاعات عطا تارڑ نے کہا ہے کہ تحریک انصاف کا اسلام آباد آنے کا کیا جواز بنتا ہے؟ جگہ ان لوگوں کو دی جاتی ہے جو پرامن رہیں، پی ٹی آئی کی تاریخ ایسی نہیں کہ ان سے بات کی جائے۔پشاور میں نیوز کانفرنس کرتے ہوئے عطا تارڑ نے کہا کہ یہ بھی سوال ہے کہ بیرسٹر گوہر کے پاس کسی فیصلے کا اختیار ہے یا نہیں۔وفاقی وزیر اطلاعات نے کہا کہ تحریک انصاف نے ماضی میں بھی احتجاج کے دوران سرکاری املاک کو نقصان پہنچایا، 9 مئی کو ریڈیو پاکستان کی عمارت جلائی گئی۔
یہ بھی پڑھیں: جماعت اسلامی کا وزیراعظم کی وطن واپسی تک لانگ مارچ مؤخر کرنے کا اعلان
عطا تارڑ کا کہنا تھا کہ امن و امان یقینی بنانا صوبائی حکومت کی ذمہ داری ہے۔انہوں نے کہا کہ پشاور بہادر لوگوں کی دھرتی ہے، یہاں کے صحافیوں نے دہشت گردی کے خلاف جنگ میں بہت قربانیاں دی ہیں۔وفاقی وزیر اطلاعات نے زخمی اور شہید صحافیوں کے لیے پیکیج کا اعلان کرنے کا بھی کہا۔عطا تارڑ نے کہا کہ کوہاٹ دھماکے کے زخمیوں نے عزم ظاہر کیا ہے کہ دہشت گردوں کو شکست دیں گے۔
