تحران(پاک ترک نیوز)ایرانی وزارت خارجہ کے ترجمان اسماعیل بقائی نے امریکا پر مذاکرات میں یکطرفہ مطالبات مسلط کرنے کا الزام عائد کرتے ہوئے کہا ہے کہ ایران سفارت کاری کے لیے تیار ہے، تاہم کسی بھی جارحیت کا بھرپور جواب دینے کی صلاحیت بھی رکھتا ہے۔
اسماعیل بقائی کے مطابق ایرانی عوام کو امریکا پر اعتماد نہیں، تاہم تہران نے کبھی مذاکرات کی میز نہیں چھوڑی اور سفارتی کوششیں جاری رکھی ہیں۔
ایرانی وزارت خارجہ کے ترجمان نے کہا کہ ثالثوں کے ذریعے ایران اور امریکا کے درمیان پیغامات کا تبادلہ جاری ہے، لیکن واشنگٹن ایران سے مکمل سرنڈر کا مطالبہ کر رہا ہے، جسے کوئی ایرانی قبول نہیں کرے گا۔
یہ بھی پڑھیں: افغانستان میں طالبان مخالف حملوں میں تیزی، بگرام ایئرفیلڈ سمیت اہم اہداف نشانے پر
بقائی کا کہنا تھا کہ ایران مذاکرات اور سفارت کاری کے ذریعے مسائل کے حل کے لیے تیار ہے، لیکن اس کا مطلب یہ نہیں کہ وہ دباؤ یا جارحیت کے سامنے جھک جائے گا۔
