واشنگٹن ( پاک ترک نیوز) امریکی صدر ڈونلڈ ٹرمپ نے ایران کی جانب سے پیش کی گئی سات روزہ جنگ بندی کی تجویز مسترد کردی۔امریکی اخبار وال اسٹریٹ جرنل کے مطابق ٹرمپ نے اپنے معاونین سے کہا ہے کہ نومبر میں ہونے والے امریکی وسط مدتی انتخابات کے بعد ایران پر دوبارہ بمباری شروع کیے جانے کا امکان ہے۔رپورٹ کے مطابق ٹرمپ کو یقین نہیں کہ تہران امریکی مطالبات تسلیم کرے گا، تاہم امریکی حکام کا کہنا ہے کہ صدر کا مؤقف مستقبل میں تبدیل بھی ہوسکتا ہے، جبکہ ممکنہ دوبارہ حملوں کی نوعیت اور شدت بھی ابھی واضح نہیں۔
یہ بھی پڑھیں: امریکا کو فیصلہ کرنا ہو گا جنگ ختم کرنا چاہتا ہے یا نہیں ،ایرانی صدر
وال اسٹریٹ جرنل کے مطابق ایران کی جنگ بندی تجویز میں آبنائے ہرمز دوبارہ کھولنے اور جوہری مذاکرات بحال کرنے کے بدلے امریکا کی جانب سے ایرانی بندرگاہوں کی ناکہ بندی ختم کرنے کی تجویز شامل تھی۔
