ٹرمپ محروم رہ گئے ،امن کا نوبل انعام ماریہ کورینہ کے نام

اوسلو (پاک ترک نیوز) امن کا نوبل انعام ماریہ کورینہ کے نام رہا اور امریکی صدر ٹرمپ انعام لینے سے محروم رہ گئے۔
امن نوبل انعام کےاعلان کی تقریب اوسلو میں ہوئی ، جس میں امن کے نوبل انعام کا اعلان کردیا گیا۔
امن کا نوبل انعام ماریہ کورینہ کے نام ہوا، وینزویلا میں جمہوریت کی جدودجہد کرنے پر نوبل انعام حاصل کیا، تاہم انعام 10دسمبر کو دیا جائے گا۔
نوبل امن کمیٹی کی جانب سےنو بل انعام کیلئے338نامزدگیوں پر غور کیا گیا ، نامزدگیوں میں صدر ٹرمپ بھی شامل تھے تاہم وہ محروم رہے۔
نوبل کمیٹی نے کہا کہ ماریہ کورینہ نے وینزویلا میں جمہوریت کیلئے بھرپورکرداراداکیا، جمہوریت اورآزادانہ انتخابات کیلئے صعوبتیں برداشت کیں، تاہم امن نوبل انعام 10دسمبر کو دیا جائے گا۔
واضح رہے دنیا بھر میں امن، انسانی حقوق اور ہم آہنگی کے فروغ کے لیے دیا جانے والا نوبیل امن انعام اپنی ایک سو چوبیس سالہ شاندار تاریخ کے ساتھ آج بھی امید کی علامت سمجھا جاتا ہے۔
یہ عالمی اعزاز سویڈن کے سائنس دان الفریڈ نوبل کی وصیت کے مطابق قائم کیا گیا، جنہوں نے اپنی دولت کا ایک حصہ اُن شخصیات یا اداروں کے نام کرنے کی ہدایت دی جو دنیا میں امن اور بھائی چارے کے قیام کے لیے نمایاں کردار ادا کریں۔
پہلا نوبل امن انعام 1901 میں دیا گیا، جبکہ یہ ایوارڈ ہر سال ناروے کے دارالحکومت اوسلو میں دس دسمبر کو نوبل کی برسی کے موقع پر پیش کیا جاتا ہے۔
اب تک یہ اعزاز نیلسن منڈیلا، مدر ٹریسا، مارٹن لوتھر کنگ جونیئر، ملالہ یوسفزئی اور وانگاری ماتھائی سمیت کئی نمایاں عالمی شخصیات کے حصے میں آ چکا ہے۔
نوبل امن انعام آج بھی اُن لوگوں کی پہچان ہے جو نفرت کے بجائے امن، اور طاقت کے بجائے انصاف پر یقین رکھتے ہیں۔