ایڈیلیڈ (پاک ترک نیوز) ایشز سیریز کے تیسرے ٹیسٹ میچ کے دوسرےروز کے اختتام پر انگلینڈ مشکلات کا شکار ہوگیا ۔ آسٹریلیا کی پہلی اننگز کا خسارہ پورا کرنے کیلئے 158رنز درکار ہیں جبکہ اس کی 2وکٹیں باقی ہیں ۔
کپتان بین سٹوکس 45جبکہ جوفرا آرچر 30رنز بنا کر کریز پر موجود ہیں ۔
انگلینڈ نے 8وکٹوںکے نقصان پر 213رنز سکور کئے ہیں ۔انگلینڈ کی جانب سے ہیری بیروک نے 45،بین ڈکٹ نے 29رنز بنائے تھے ۔
آسٹریلیا کی جانب سے کپتان پیٹ کمنز نے 3جبکہ بولینڈ اور نتھن لیون نے دو دو کھلاڑیوں کو پویلین کی راہ دکھائی ۔
اس سے قبل آسٹریلیا نے اپنی پہلی اننگز میں 371رنز سکورکئے تھے ۔آسٹریلیا کی جانب سے ایلکس کیری نے 106عثمان خواجہ نے 82رنز سکور کئے تھے ۔
انگلینڈ کی جانب سے جوفرا آرچر نے 5جبکہ کارس اورول جیکس نے دو دو کھلاڑیوں کو آئوٹ کیا تھا ۔
یاد رہے کہ پانچ میچوں پر مشتمل ایشز سیزیز میں آسٹریلیا کو 2صفر کی برتری حاصل ہے ۔
تیسرا ایشز ٹیسٹ :دوسرے روزکے اختتام پر انگلینڈ مشکلات کا شکار ،158رنز کا خسارہ برقرار
متعلقہ خبریں
یہ بھی پڑھیں
